Lle aeth pawb?

Mae'r wefan newydd yma yn mynd law yn llaw gyda chyfres deledu newydd fydd yn cael ei darlledu ar S4C yn ystod 2008 o'r enw Lle Aeth Pawb?

Yn union fel mae'r wefan yn ail-gynnau atgofion ac yn dod a hen ffrindiau ynghyd, dyna hefyd fydd nod y gyfres. Bydd pob rhaglen yn mynd a ni yn ôl mewn amser wrth i lun o ffrindiau gael ei osod dan y chwydd wydr a'i archwilio'n ofalus.

Bydd y gyfres yn dilyn hynt a helynt pob un o'r wynebau sy'n ymddangos yn y llun, yn clywed eu hanes, yn hapus a thrist, cyn gweld y criw yn cael ei dwyn ynghyd unwaith eto er mwyn creu fersiwn newydd o'r llun gwreiddiol.

Beth am eich stori chi?

Oes yna stori dda tu ôl i un o'ch lluniau personol chi? Os hoffech weld un o'ch lluniau chi yn serennu yn y gyfres newydd, fe allwch adael i'r cwmni cynhyrchu wybod trwy ddefnyddio'r ffurflen gyswllt.

Mae'r wefan a'r gyfres deledu wedi eu creu gan gwmni cynhyrchu Cwmni Da a leolir yng Nghaernarfon, Gwynedd.