Byddwch cystal ag adolygu'r telerau ac amodau isod os gwelwch yn dda. Ni fydd modd defnyddio gwefan Lle Aeth Pawb hyd nes i chi gytuno i'r amodau a thelerau yma. Drwy ddefnyddio gwasanaeth gwefan Lle Aeth Pawb, fe dybir eich bod wedi cytuno a derbyn i ymrwymo i'r telerau ac amodau hyn. Mae S4C a Cwmni Da yn cadw'r hawl i wahardd unrhyw un o'r safle os ydynt yn credu bod rhywrai yn torri'r telerau ac amodau canlynol:

1. Drwy gofrestru rydych yn cytuno i beidio ag ymddwyn mewn ffordd faleisus a drygionus, a all achosi niwed i Cwmni Da, S4C, neu unrhyw unigolyn neu sefydliad arall.
2. Ni fydd negeseuon yn fasweddol, di-chwaeth, enllibus neu'n ddifrïol, a thueddiad rhywiol, cas, bygythiol neu mewn unrhyw ffordd yn tramgwyddo unrhyw gyfraith, neu foesau ac ymarferion da.
3. Ni chaniateir negeseuon gyda manylion cyswllt, rhifau ffôn, rhifau ffacs neu gyfeiriadau post. Ni fydd negeseuon sydd yn cynnwys yr uchod yn cael eu harddangos ar y safle.
4. Nid fydd negeseuon yn cael hysbysebu neu gyfeirio at unrhyw wasanaethau neu gynnyrch.
5. Ni chaniateir i negeseuon ymddangos sy'n dynwared rhywun arall.
6. Ni chaniateir ysgrifennu'r un un neges sawl gwaith (spam yw hyn)
7. Rydych yn cytuno i beidio â phostio unrhyw ddeunydd sydd â hawlfraint arno, os nad mai chi yw perchennog yr hawlfraint honno. Mae hyn yn cynnwys lluniau a delweddau.
8. Rydym yn annog unrhyw un sydd yn gwrthwynebu unrhyw ddeunydd ar y safle i gysylltu gyda thîm Lle Aeth Pawb drwy ddefnyddio'r botwm 'Cwyno' sydd i'w weld ar bob tudalen.
9. Drwy gofrestru rydych yn cytuno mai chi sydd yn gwbl gyfrifol am y cynnwys a osodir gennych chi ar y wefan.
10. Mae Cwmni Da ac S4C yn cadw'r hawl i gymedroli, golygu neu dynnu unrhyw beth sydd yn mynd yn groes i'r telerau ac amodau, neu sydd ddim yn dilyn nod a phrif bwrpas gwefan Lle Aeth Pawb , heb gysylltu gyda'r awdur y gyntaf. Fe all y rhai sy'n torri'r rheolau yma gael eu gwahardd rhag defnyddio'r safle yn ddirybudd.

Cyfrinachedd a diogelu data

Ni fydd cwmni Da na S4C yn rhannu gwybodaeth sy'n cael ei roi drwy'r broses cofrestru i drydydd parti oni bai fod 'na gwyn ynglŷn â chamddefnydd neu os bydd na achos cyfreithiol yn dilyn neges sydd wedi ei roi gennych chi. Mae Cwmni Da a S4C yn cadw'r hawl i ddatgelu pwy ydych chi ac unrhyw wybodaeth arall er mwyn cydymffurfio a'r broses honno.

Hysbysu

Ail ddarllenwch y rheolau o bryd i'w gilydd. Mae Cwmni Da a S4C yn cadw'r hawl i addasu'r rheolau heb roi rhybudd, ac mae'ch defnydd o wefan Lle Aeth Pawb yn dynodi eich bod yn cytuno i'r rheolau.

Rhybudd

Mae hwn yn wasanaeth cyhoeddus ac rydym yn annog defnyddwyr i fod yn groesawgar a chefnogol - ond cofiwch fod yr hyn yr ydych yn ei roi ar y wefan yn gallu cael ei weld gan filoedd o bobl bob dydd.

Enwi a Chynnwys

Mae'n gallu bod yn beryglus i roi manylion personol (rhif ffôn, cyfeiriad) ar y wefan, neu drefnu i gyfarfod rhywun yn bersonol. Mae'r math yma o wefan yn agored i unrhyw un. Cofiwch am eich diogelwch personol. Fe fyddwn ni yn tynnu unrhyw fanylion personol o'r natur yma oddi ar y wefan.

Mae unrhyw berson neu sefydliad sy'n defnyddio'r wybodaeth ar y wefan hon yn cymryd y cyfrifoldeb am eu gweithredoedd eu hunain ac ni fydd Cwmni Da na S4C yn cymryd unrhyw gyfrifoldeb am unrhyw achosion fydd yn codi o hyn.

Mae unrhyw farn neu wybodaeth ymddangosir ar y bwrdd trafod yn perthyn i'r sawl a'i gosododd yno yn unig ac nid yw o angenrhaid yn adlewyrchu barn, polisi a chyngor Cwmni Da na S4C. Cyfrifoldeb yr awdur yn unig ydi'r cynnwys.